Поради тоа што не ги информирал на правилен начин италијанските купувачи за нивното право на две годишна гаранција, Apple ќе мора да плати 900.000 евра.
Италијанското антимонополско регулаторно тело бара од Apple да го плати овој надомест поради тоа што на корисниците им нудел само година дена гаранција, а наредната година гаранцијата им била наплатувана, иако, според италијанскиот закон, купувачите мораат да имаат право на две години гаранција.
„Информациите за дополнителната гаранција, AppleCare Protection Plan, ги охрабруваат корисниците да купат услуги без јасно објаснување колкав период на бесплатна подршка добиваат, а тоа е одредено со закон”, се наведува во соопштението.
Од Apple засега нема официјален коментар.