Барселона со официјална понуда до Фабрегас
Барселона веќе започна третата офанзива во обид да го донесе капитенот на Арсенал, Цеск Фабрегас, на “Камп Ноу”. Според медиумите од Англија, каталонците веќе официјално упатиле понуда до Арсенал за Фабрегас, која е во вредност од 50 милиони фунти. Во договорот ќе биде вклучен и младинскиот репрезентативец на Шпанија, Тиаго Алкантара. Според некои информации, фудбалерот дури веќе се збогувал со своите соиграчи, откако им го поделил мали подароци при нивната последна средба на крајот на минатата сезона. Сериозен интерес за Фабрегас има и кај тренерот на Реал Мадрид, Жозе Мурињо, но засега “белите” се пасивни во наддавањето за шпанскиот репрезентативец. Барселона повторно се активираше и се очекува овој трансфер да се финализира во блиска иднина.