Бикини диетата е двонеделен, нискокалоричен план за исхрана, кој ќе ви помогне да ги изгубите килограмите и да изгледате здраво и затегнато. Исхраната е исполнета со свежи производи, зеленчук и овошје, кои воедно ќе направат детоксикација на вашето тело. Доколку се придржувате до овој план, за две седмици ќе изгубите 4 килограми, а доколку продолжите уште две недели, можете да изгубите дополнителни 2 килограми.
Како делува Бикини диетата?
Оброците се нискокалорични и со малку маснотии, но сепак заситуваат. Тоа значи дека помеѓу оброците нема да добиете напад на глад и грицкате нешто друго (доколку дојде до тоа, тука е меѓуоброкот), а оброците со малку калории значат дека ќе изгубите на тежината. Бикини диетата е создадена да го прочисти телото со помош на летните сезонски производи, а со помош на овој план ќе престанете да чувствувате потреба за блага и масна храна. Производите како зрнесто овошје и масна риба ќе и дадат сјај на вашата кожа, па така не само што ќе изгубите тежина, туку и ќе изгледате подобро и помладо.
За кого е добра Бикини диетата?
За сите оние кои сакаат подобро да изгледаат на одморот, но имаат само уште неколку недели да се доведат во форма. За оние кои мислат дека треба го подобрат изгледот на својата кожа. Во оваа диета благото не се исфрла целосно, па “зависниците“ ќе издржат и нема да паднат во искушение.
Кои се мааните?
Мора да сакате овошје и зеленчук, бидејќи овој план на исхрана се состои од нив. Ручекот е доста сиромашен, па за некои би било проблем да издржат до вечерата.
План за исхрана:
Морате точно да се раководите според планот за исхрана, но може да замените некои од оброците доколку не ви се допаѓаат намирниците во нив (ручекот може да го замените со ручек од некој од другите денови, а вечерата да ја замените само за друга вечера). Со појадокот, ручекот, вечерата и ужината, дозволено ви е уште 300 мл обезмастено млеко (во оваа количина не се вбројува млекото кое е веќе во менито) кога ќе сакате да пиете. Избегнувајте алкохол и држете се до водата, природни сокови без шеќер, незасладен чај и кафе. Салатите зачинете ги или само со малку сол, или со малку маслиново масло и јаболков оцет или сок од лимон.
Ден 1
Појадок: 1 портокал или праска, 200 гр обичен ниско-мастен јогурт
Ручек: Зелена салата, 1 рака печени лешници, 1 парче интегрален леб, 1 портокал
Ужина: 1 рака бразилски ореви и две коцки темно чоколадо (со голем процент на какао)
Вечера: Пржена риба (скуша, туна, крап, сом), 1 варен компир, варена брокула, овошна салата
Ден 2
Појадок: чинија зрнесто овошје (малини, рибизли, капини, брусници, грозје), 1 парче интегрален тост премачкан со немастен намаз од сирење
Ручек: салата од пиперка, морков и краставица и 2 парчиња интегрален тост, 1 банана
Ужина: 4 коцки темно чоколадо
Вечера: пржено пилешко месо (половина пилешки гради) со зеленчук по желба – пиперки, моркови, брокули, карфиол, млада боранија, свеж спанаќ. Еден мал варен компир.
Ден 3
Појадок: 5 полни лажици интегрален корн флекс, 125 мл немасно млеко, 1 овошје по желба
Ручек: салата од туна: 50 гр туна од конзерва, 6 големи листови зелена салата, 2 средно големи домати, 1 краставица, рендан морков, по желба половина авокадо. 1 парче интегрален леб
Ужина: 1 рака зрнесто овошје
Вечера: половина пржени пилешки гради со сос (сос од домат, пиперка, кромид и лук), средно голем варен компир, салата по желба, 2 киви.
Ден 4
Појадок: Милкшејк од зрнесто овошје: 200 мл немасно млеко, 1 лажичка пченични зрна, 100 гр зрнесто овошје (може и замрзнато), 2 лажички мед
Ручек: средно голем варен компир, 2 лажици грав во чили сос и зелена салата
Ужина: 1 овошје по желба (праска, портокал, 1 парче лубеница)
Вечера: рижото од зеленчук – кафеав ориз и зеленчук по желба. Лубеница
Ден 5
Појадок: 2 парчиња интегрален тост со намаз од немасно сирење, 1 јаболко
Ручек: морков, целер и краставица со 100 гр свежо сирење (по желба со кромид и црвена пиперка), 1 интегрално пециво
Ужина: Една рака тортилја чипс со салса сос
Вечера: ражниќ од половина пилешки гради со пиперка, печурки и кромид, три полни лажици интегрален ориз
Ден 6
Појадок: 3 лажици мусли со 150 мл обезмастено млеко, една рака зрнесто овошје
Ручек: салата со пилешко или мисиркино месо – 50 гр пилешко или мисиркино, млада боранија, домат и краставица. Со маслиновото масло и оцетот можете да додадете и една лажичка сенф
Ужина: 2 јафа колачи
Вечера: 150 гр тестенини со сос од домати и зеленчук, 2 лажички пармезан
Ден 7
Појадок: 1 парче интегрален тост со намаз од немасно сирење и 1 средно голем домат
Ручек: половина шол варен интегрален ориз, зеленчук на скара – тиквички, модар патлиџан, пиперки
Ужина: 1 палачинка со овошје (овошјето можете да го ставите во тестото пред печењето или подоцна да ја наполните палачинката со овошје)
Вечера: 200 гр риба на скара, 3 мали печени млади компири, свеж спанаќ или зелена салата со морков
Од 8-ми до 14-ти ден
Од овие седум дена одберете појадок, ручек, ужина и вечера по желба. Можат да се повторуваат, но не повеќе од 2 пати.