Бразилската депилација носи опасност од инфекции

Иако многу жени го применуваат бразилскиот начин на депилирање на гениталиите, американските дерматолози тврдат дека бразилската депилација треба да се забрани, бидејќи потполната депилација на гениталиите е опасна и може да предизвика иритации, нафрлување и инфекции.

Бразилска депилација значи елиминирање на сите влакна од бикини зоната па се до длабоката внатрешност на интимните усни, односно целосно депилирање на женските гениталии. Експертите тврдат дека овој вд на депилација, која е најактуелна во летниот период, е вистински непријател на здравјето и кожата.

Третманот на депилирање е прилично болен, но многу жени го „трпат“ бидејќи потоа можат некој период да се опуштат и да уживаат во својата мазна кожа. Сепак,научниците советуваат да не се применува овој начин на депилација, бидејќи влакната на гениталиите се наменети да не заштитат од инфекции, а нивното отстранување значи отстранување на заштитниот „ѕид“ кој штити од бактерии.