Бројот на починати од заразната бактерија Ешерија коли се зголеми во Европа на 47, соопштија денес германските власти.
Центарот за контрола на болеста наведе дека до сега се регистрирани 46 смртни случаи од оваа бактерија во Германија.
Еден човек од истата бактерија починал во Шведска, а службите кажуваат дека еден смртен случај во САД можеби е поврзан со тоа, но се уште не е потврдено.
Германскиот Центар соопшти дека во таа земја се регистрирани 3.801 лице заразено од Ешерихија коли, од кои 834 се со тешки последици.
Уште 119 случаи се регистрирани во 15 европски земји.
Извор: Нетпресс