Вооружен маж кој испукал неколку истрели од огнено оружје насилно влегол во зградата на Министерството за одбрана во Талин, Естонија. Вооружениот маж, подоцна во операцијата на специјалните полициски сили бил застрелан, известува АФП. Во престрелката никој не е бил повреден, а двајца заложници биле ослободени. Полицијата соопштила дека напаѓачот бил поранешен член на естонските вооружени сили.
Вооружениот маж ја заземал зградата на Министерството за одбрана, но за кратко време пристигнала полицијата и ја опколила зградата. Според локалните медиуми, луѓето скокале од прозорци за да се спасат од напаѓачот.
Специјалните полициски сили за кратко време влегле во Министерството за одбрана и го совладале напаѓачот. Се верува дека судирите се случиле на првиот кат во зградата, наводно, едно од најбезбедните делови во Министерството за одбрана во Талин.
По борбите во зградата влегле и полициски кучиња за да им помогнат во пребарување на потенцијалните експлозиви.
Министерот за одбрана, Март Лар не бил во зградата за време на нападот.