Додека принцот Вилијам и данскиот Принц Фредерик заедно со неговата сопруга, принцезата Мери на добротворниот настан на УНИЦЕФ уживале во паста од кикирики, Кејт Мидлтон се воздржувала од вкусното јадење. Дежурните трачери веднаш тоа го забелажале и напоменале дека кикириките поради можни алергиски реакции не се препорачуваат за бремени жени, а одбивањето на Кејт да ги конзумира, веднаш го поврзале со можна бременост.
Во прилог на оваа теза оди, и нејзиното неодамнешно одбивање да се напие шампањско на една забава, кое го заменила со минерална вода. Нејзиниот портпаролот изјавил дека Кејт не е алергична на кикирики и дека Војводката едноставно избегнувала калорична храна.