Домашен бурек со сирење

Потребни состојки:

1 кг. брашно

1 лажица сол

1 лажичка шеќер

500 мл. топла вода

240 гр. маргарин

250 гр. ситно сирење

Припрема:

Стопете го маргаринот, па замесете тесто со брашното, солта, шеќерот и водата, а по потреба додајте уште брашнп. Тестото поделете го на пет дела, па од нив расукајте кори со големина колку садот во кој е маргаринот.

Откако маргаринот ќе се излади, додадете ги топчињата тесто во садот со маргарин и оставете ги да отстојат 30 минути. Потоа од првото тесто развлечете кора, па на средина од кората ставете сирење. Преклопете ја кората од сите четири страни за да добиете плик, па тргнете го на страна.

Извадете го второто тесто, па развлечете кора и врз него ставете го првото тесто па сирењето, па повторно направете плик. Постапката повторете ја со сите теста, ставајќи постојано едно тесто во друго.

Откако ќе свиткате плик петтото тесто, ставете го во намачкана тава во претходно загреана рерна и печете околу 40 минути на температура од 250 степени, и тоа на средина на рерната.

Кога бурекот ќе добие златно румена боја, извадете го од рерна и преклопете го со друго тавче за да го превртите. Послужете заедно со јогурт или кисело млеко. Добар апетит!