Џеј Зи го шири бизнисот

Американската хип хоп звезда Џеј Зи планира идната година во британската престолнина да отвори ноќен клуб, како дел од неговиот синџир ноќни локали под името “40/40“.

Компанијата NVA, која го потпиша договорот вреден повеќе од милион фунти, наведува дека објектот ќе се состои од ресторан и бар, а наводно ќе биде отворен во партнерство со англискиот фудбалски репрезентативец, Ешли Кол.

“Лондон е еден од највозбудливите градови во светот и одлична локација за нашиот нов клуб“, изјавил раперот Џеј Зи, истакнувајќи дека лондонскиот 40/40 ќе биде едно од “најжешките“ места во градот.

Раперот најавил и дека секој месец дел од профитот ќе биде одвојуван за добротворни цели за младите луѓе.

Џеј Зи, неодамна купи акции во ФК Арсенал, а ги поседува клубовите 40/40 во пет американски градови, меѓу кои Њујорк, Атлантик Сити и Лас Вегас.