Во четвртокот вечерта на самитот во Брисел, 17 земји од еврозоната постигнале нов договор за пакетот помош на Грција, во вредност од 159 милијарди евра, во кој ќе учествува и приватниот сектор.
Помошта од европските влади и ММФ ќе изнесува 109 милијарди евра, додека приватниот сектор ќе учествува со 49,6 милијарди евра.
Учеството на банките и другите инвеститори се проценува на 37 милијарди евра, со додатните 12,6 милијарди евра од програмата за откуп на долгот, навела фрацуската агенција.
По овој состанок, грчкиот премиер Јоргос Папандреу изјавил дека Грција конечно го има програмот да го реши проблемот на долги стази.