Ефектот од враќање на изгубените килограми

Кога сте на диета убедени сте дека тоа е најправилниот начин за губење на вишокот килограми. Но, истражувачите откриле дека 95% од луѓето кои држеле диета во тек на две години си ги враќаат килограмите повторно.

Овој јо-јо ефект не е воопшто здрав. Причината за тоа е што враќањето на килограмите влијае на маснотиите во крвта и така директно создава ризик за настанување на болести на срцето и крвниот систем.

Нутриционистите советуваат наместо диети, да обрнете внимание на здравиот начин на исхрана и да бидете физички активни, на долг рок. Доказ дека ова е подобриот начин се и слабите луѓе кои се постојано на некаква диета, но имаат повеќе маснотии од останатите само затоа што не се физички активни.