Додека во индустријата на видео игрите задоволно тријат раце, со оглед на тоа дека лани во светот биле продадени 500 милиони игрици, феноменот на видео игрите кој зазема се поголеми размери ги вклучи и психолозите во потрага по одговор – зошто тие преивлекуваат толкав број на луѓе.
Резултатите од најновото истражување на оваа тема, кои го спроведоа научниците од Универзитетот во Есекс, покажале дека одговорот е во пронаоѓањето на „идеалното јас“.
Овие резултати од студијата биле објавени во списанието „Psycological Sciense“, објаснуваат дека играчите преку видео игрите имаат можност да испробаат карактеристики кои би сакале да ги имаат во идеалната верзија на себе.
„Играњето видео игри може да биде забавно, ако имате шанса да бидете идеален. Привлечноста на играњето игри и она што ги прави забавни е дека тоа им дава на луѓето можност да ја преиспитаат улогата која во идеалниот свет би ја преземале“, вели д-р Енди Прзибилски, додавајќи дека играчите кои сакаат да играат видео игри не бегаат од себе, туку се во потрага по идеали и достигнување на идеалност во себе.