Лидерот во генералниот пласман, возачот на Ред Бул Рено, Себастијан Фетел, е само на еден поен до освојувањето на шампионската титула во Формула 1. Тој вчера победи на големата награда на Сингапур, a второто место на Џенсон Батон ja одложи неговaта шампионска прослава за следната трка.
Фетел доминираше во текот на целата трка. Само Џенсон Батон со неколку најбрзи круга успеа да му се приближи, но Фетел остана смирен, имаше контрола над ситуацијата, и ја забележа деветта победа во сезоната. На подиумот друштво му правеше и неговиот тимски колега, Марк Вебер, кој заврши трет.
Поранешните шампиони, Фернандо Алонсо и Луис Хамилтон, завршија на четвртото, односно петото место. Возачот на Force India, Пол Ди Реста, го забележа најдобриот резултат во кариерата завршувајќи на шестото место. Нико Розберг од Мекларен Мерцедес беше седми, додека Адријан Сутил беше осми.
До крајот на шампионатот има уште 5 трки, a наредната трка се вози во Јапонија.