Четиринаесеттото издание на Скопскиот филмски фестивал започнува денеска во 20 часот во кино Милениум. Фестивалот ќе се отвори со филмот “Панкот не е мртов“ на режисерот Владимир Блажевски.
Меѓу главната програма, кратките филмови и програмата на авторски филмови, ќе можат да се проследат гала проекции, филмови од Скопје 90 – те, филмска ретроспектива и посебни проекции.
Цената на билетите за поединечните проекции во Кинотека на Македонија изнесува 50 денари, додека во кино Милениум, љубителите на филмската уметност од својот џеб ќе треба да издвојат 100 денари за посебни проекции или 200 денари за дневен билет.
На вечерашното церемонијално фестивалско отворање, на полскиот режисер Кшиштов Зануси, ќе му биде врачена награда за животно дело.
Фестивалот ќе трае од 15 до 20 Април, а трите проекции, закажани за сабота веќе се распродадени.