Ново изненадување за верните корисници на Гугл. Во соработка со Weather.com одсега па натаму Гугл ви овозможува онлајн преглед на временската прогноза за целиот свет.
Најлесниот пристап за оваа нова услуга е само да кликнете на Google Maps, а потоа одберете го Weather layer.
Имате опции да ги менувате мерните единици (за ветер, за температура и сл. ), да ја проследите моменталната состојба, да добиете прогноза за идните неколку дена и некои други слични работи.
Иконите се достапни за сите корисници со првото отворање на страницата. U.S Naval Research лабораторијата пак, нуди истотака некои слични услуги како анализирање на слоевите на облаците од доволно раздалечен „зум“. Со кликање на некои од иконите за некое подрачје имате можност да добиете детални информации и прогнози за истото, додека левиот дел ја прикажува состојбата над поголемите градови кои го окружуваат подрачјето кое сте го избрале на картата.