Холандската влада соопштила дека ќе почне да забранува на туристите да купуваат канабис од кафулињата, а со тоа и да се ограничи и холандското купување до крајот на годината.
Холандија е позната како земја која има најлиберални закони во Европа кога станува збор за продажбата на лесни дроги, па така тоа стана и главна туристичка атракција, особено во Амстердам.
Поддржано од десничарскиот анти-имигрантски политичар Герт Вилдерс, коалициската влада која стапи на власт минатата година најавила план за сузбивање на туризмот поради дрога, како дел од програмата за промоција на здравјето и борбата против криминалот.
Според новите правила, најверојатно само жителите на Холандија ќе имаат можност да бидат членови во канабис шоповите. Тие ќе можат да земат најмалку едногодишно членство, а секое кафуле ќе може да има по 1500 членови.
Само во Амстердам има околу 220 вакви кафулиња, но некои од нив веќе се во процес на затворање. Одредени функционери не се согласуваат со ваквата политика и сметаат дека со тоа ќе доведе до илегална продажба на лесни дроги.