По Германија, и Швајцарија би можела да ги затвори своите нуклеарни електрани. Имено, претставници во швајцарскиот парламент денес го одобриле владиниот предлог за укинување на нуклеарната енергија во таа земја, пишува хрватски “Дневник“, пренесува НетПрес.
Поголемиот број од швајцарските парламентарци во долниот дом гласале за затворање на пет нуклеарни реактори со кои земјата располага и тоа се планира за среден рок.
Инаку, и анкетите за испитување на јавното мислење покажале дека Швајцарците се залагаат за гаснење на нуклеарните електрани, а нивниот број значително се зголемил по катастрофата во јапонската нуклеарка Фукушима.
Извор: Нетпрес