Имате чест да го видите долгоочекуваниот спот на Адел!

Долгоочекуваниот спот за синглот „Someone Like You“ е премиерно прикажен на музичките телевизиски куќи низ целиот свет.

Синглот „Someone Like You“ од албумот „21“ веќе стана хит, и покрај тоа што за него Адел пред извесно време не сними соодветен спот. Оваа песна Адел ја изведе на Брит наградите, како и овогодинешниот MTV Video Music Awards.

Спотот е неодамна снимен во Париз во црно бела техника, а ние премиерно ќе ви го прикажеме . Режисерот на спотот е Џејк Нава кој за снимањето изјавил: „ Ова место прикажува стил и романтика. Го снимавме во најраните утрински часови, кога на улиците нема никој, така ќе можете да сконцентрирате на Адел во овој осамен простор, исполнет со различни емоции.“