Инспекција на атомските централи во Кина

Кинеските нуклеарни власти им дале преодна оценка на сите атомски централи во земјата во текот на инспекција која била наложена по несреќата во јапонската нуклеарка Фукушима, пишува “Бета“, пренесува НетПрес.

Заменик министерот за животна средина Ли Ганџи рекол дека бил направен преглед во сите 13 постоечки реактори кои се во многу слична позиција како оние кои се наоѓаат во Европа и САД.

“Инспекцијата на 28 реактори кои се во изградба треба да бидат завршени до октомври“, изјавил Ли.

Кина има намера да има повеќе од сто атомски електрани во погон до 2020 година, но престанала да дава дозвола за изградба на нови централи додека не се заврши државниот план за нуклеарна безбедност.

Извор: Нетпрес