Ја чувал својата тетка во замрзнувач за да ја зема нејзината пензија

Австриската полиција пронашла тело на 89-годишна старица во замрзнувачот во нејзиниот дом. Истрагата покажала дека телото на старицата било спакувано и ставено во замрзнувачот од страна на нејзиниот внук, кој сакал да продолжи да ја зема нејзината пензија.

Портпаролот на полицијата објавил дека старицата најверојатно умрела од природна смрт, но дека нејзиниот внук зависел од нејзината пензија, па затоа и го скрил нејзиното тело во замрзнувачот.

Полицијата ги чека резултатите од обдукцијата кои треба да покажат дали станува збор за природна смрт или убиство. Телото е пронајдено во домот на старицата во Нојховен, град на околу 100 километри од Виена.