Каде исчезна нејзиното либидо?

Оваа статија е одговор на многу машки прашања. Многу често мажите се прашуваат зошто жената не е иста по првите шест месеци од врската. Тогаш таа е расположена да експериментира во сексот, расположена е за тоа во секое време, знае да нападне и да го заведе мажот и на пладне да иницира секс, а потоа се тоа исчезнува. Се помалку имате секс. Одговорот на ова прашање некои мажи не се ни трудат да го најдат, па ја прифаќаат промената и истото тоа го бараат на страна. Некои пак сметаат дека таа се променила затоа што повеќе нема емоции. Но, ретки се оние кои погледнуваат во себе и таму негде го бараат одговорот на прашањето.

За да не дојде до ова потребно е овие шест месеци кога врската е на почеток, да се запознаете вистински. Да научите што ја прави среќна, што навистина сака, да реагирате на нејзините иницијативи. Кога жената се дистанцира од сексот, тоа е поради долгата емоционална неконектираност со неа. Тогаш погледнете наназад да видите дали сте биле доволно со неа последниот период, дали седевте на троседот во недела, дали вашите пријатели беа дел од секој ваш состанок.

За да повторно го добиете она што го имавте на почетокот, повторете ги моментите кои вие ги правевте за неа. Кога би го искористиле сето она што го научивте за неа, што таа навистина сака ќе ви биде лесно. Тогаш повторно ќе ги имате убавите моменти на сексуални уживања, но овој пат ќе бидат многу подобри.