Многумина од нас имаат мака кога ќе се вратат од годишниот одмор. Тогаш се јавува проблемот со лупење на кожата, тогаш паѓа бојата за која сме поминале со часови на сонце и доаѓа до спротивниот ефект од она што навистина сме сакале да го постигнеме.
За да не дојде до тоа и оваа година, превземете нешто. Кремите, лосионите и сите средства кои се наменети за после сончање се направени со таа намена. Најдобро е секогаш кога ќе се вратите од плажа и откако ќе се истуширате да нанесете од овие препарати. Тие ќе ја задржат влажноста на кожата и ќе го спречат нејзиното пукање кое потоа преминува во лупење.
Изберте препарати кои содржат органско маслиново масло и шеа путер. Тие одлично ја освежуваат кожата. Со редовно, секојдневно нанесување на ваквите креми вие ќе создадете заштитна обвивка на вашата кожа. Тоа ќе биде заштита која доколку ја применувате секогаш, резултатите ќе бидат трајни. И во зрелите години кожата ќе ви биде благодарна, а за возврат ќе добиете убава кожа со помалку брчки и отворени пори.