Ако сакате да дознаете дали можете да му верувате на мажот, тогаш погледнете длабоко во неговото лице.
Мажите со пошироко лице се повеќе склони на неверства, додека оние со потесно се поискрени и поотворени, велат истражувачите.
Како пример се дадени, Хју Лори и Дејвид Тенан како мажи кои се лојални, а Џек Николсон и Вејн Руни како претставници на женкарите.
Поранешното викторијанско верување е дека карактеристиките на една личност се гледаат во обликот на неговата глава, а научниците велат дека овие наоди се базирани на два експеримента.
“Мажите со пошироки лица се чувствуваат помоќни, чувството на моќ доведува до помало етичко однесување, вклучувајќи го лажењето и мамењето”, вели авторот на студијата д-р Мајкл Хаселхан.
Повеќето научници ја отфрлаат идејата дека физичкиот изглед ја открива искреноста на едно лице. Ако ова беше вистина, луѓето со широко лице и тесни очи ќе имаат големи тешкотии да најдат партнери и да добијат потомство. Исѕтражувачите спровеле два експеримента, во првиот ги замолиле 192 студенти волонт3ери да одиграат улога. Поделени биле на парови, еден бил продавач на куќа, кој се согласува на продажба само доколку куќата не се измени, а другиот бил купувач кој сакал куќата да ја направи хотел.
За време на играта, паровите преговарале преку емаил додека не постигнат договор. Мажите со широко лице лажеле повеќе за своите намери, отколку оние со тесно лице.
Сепак, ширината на лицето не влијае кај жените и нивното однесување, изјавиле истражувачите. Во вториот експеримент, 103 волонтери добиле прилика да учествуваат на лотарија за награда од 50 долари. Се фрлале коцки, а мажите со широко лице тврделе дека имале добиено поголем број со фрлањето на коцките т.е. лажеле повеќе од оние со тесно лице.
Прашалникот пред експериментот кој бил направен на сите испитаници, покажал дека мажите со широко лице се чуствуваат помоќни.