Католичката црква во Германија се нашла во центарот на скандал откако било откриено дека таа е единствен сопственик на издавачката куќа која објавува порнографска содржина, но и романот Хари Потер, кој црквените кругови го сметаат за сатанистички.
Така, меѓу содржините објавени од страна на издавачката куќа Weltbild, која има 20 отсто од Германскиот пазар и заработува милиони евра од продажба на книги, се нашле наслови како “Интернет за лесни жени” или “Кажи ми, кучко”, пишува Берлинер Куриер.
Тие објавуваат книги за сатанизмот, црната магија и езотеријата. Значи, не е изненадувачки, што издаваат и книги како Хари Потер, за кои Папата рекол дека се противат на католицизмот.
Кардиналот Рејнхард Маркс изразил незадоволство поради тоа што нивните издавачи објавуваат порнографија и друга непримерна содржина.