Во текот на вечерта се случил мал инцидент на северната граница во Косово помеѓу Aмериканските војници на КФОР и претставниците на Владата на Србија, Министерот за Косово и Метохија, Горан Богдановиќ, и шефот на преговарачкиот тим на Белград, Борислав Стефановиќ кога се обиделе да ја преминат границата кај Јариње и да влезат во централна Србија.
Шефот на преговарачкиот тим на Белград, Борислав Стефановиќ се упатил пеш кон граничниот премин кога американските војници на КФОР веднаш ги репетирале пушките и го предупредиле со зборовите: “Врати се назад!”.
Стефановиќ однесувањето на американските војници го означил како пострашно од третманот кој постои во Ирак.
“Вакво нешто веројатно и во Ирак не постои, ние не сме непријатели КФОР и државата Србија не стои зад екстремистите и хулиганите”, изјавил Стефановиќ.
“Ова не им служи на честа на КФОР, особено на американските војници.” изјавил Богдановиќ.
За кратко време војниците на КФОР ги отстраниле барикадите со бодликава жица, и им дозволиле на српските официјални претставници да го преминат административниот премин Јариње, кој беше затворен во четвртокот и прогласен за забранета воена зона.