Кит со должина од околу 10 метри бил пронајден на нива во близина на селото Скефлинг, Велика Британија. Најверојатно китот загинал откако плимата го исфрлила 700 метри од брегот, во мочуриштето од сол кое се наоѓа во близина на селото Скефлинг, во Источен Јоркшир, Велика Британија.
Се претпоставува, дека откако плимата се повлекла, китот останал заробен на суво, по што останал во таква положба која му ја затворила дупката за дишење и се загушил. Овој кит не е единствениот кој загинал во близина на реката Хамбер. Експертите велат дека зголемениот број на ваквите случаи може да сеобјасни со промените во морските води, кои носат ладни струи од Артикот и Северното море.
