Се разбира, Париз. Главниот град на Франција, Париз и оваа година е прогласен за најдобар град-бренд во светот, во изборот на Сити Бренд Интекс (CBI), кој всушност ја мери перцепцијата за сите метрополи во светот.
Меѓу првите десет градови со најдобар имиџ се најдоа, Лондон, Сиднеј, Њујорк, Лос Анџелес, Рим, Вашингтон, Мелбурн, Виена и Токио.
Истражувањето било спроведено во 10 земји, а во трката биле 50 водечки градови од целиот свет, кои биле оценувани во шест категории. Преку прашања се мерел нивниот перформанс и потенцијал во различни области, чистота, клима, паркови, згради, инфраструктура, станови, јавни објекти, начин на живот, можност за вработување и образование, бизнис клима итн.
Меѓу првите 30 градови на оваа листа, само пет од нив – Токио, Сингапур, Хонг Конг, Прага и Дубаи не се наоѓаат во Северна Америка, Западна Европа и Австралија.