Колку луѓе може да собере во еден пар гаќи?

По огромниот розев градник – рекордер, ви ги претставуваме и најголемите гаќи на светот, според Гинисовата книга на рекорди.

Всушност, станува збор за рекорден број на луѓе кои успеале да влезат во еден пар гаќи. Настанот се одржал во Вест Индија Квеј, Лондон, каде група луѓе се собрале за да ја подигнат свеста на Англичаните за сиромаштијата во светот.

За да го привлечат вниманието на јавноста, дури 57 луѓе успеале да влезат во еден огромен пар розеви гаќи, со што поставиле и Гинисов рекорд. На гаќите пишувало „Со гаќи против сиромаштија“, а организаторите на настанот се надеваат дека успеале да го свртат вниманието кон растечкиот проблем на светската сиромаштија.