Компреси од сусамово масло за уморна кожа

Откријте ги полезните својства на сусамовото масло за да изгледате секогаш млада и убава. Природното секогаш е подобро од хемиските козметички процедури. Ова масло е богато со полинаситени и мононаситени масни киселини познати уште како есенцијални масни киселини, неопходни за здравиот изглед на кожата. Содржи многу магнезиум, калциум и железо, бакар и витамин Б1. Маслото е многу силен антиоксиданс и се користи во борбата против стареењето. Идеално ја хидратира кожата и има антибактериско дејство.

Овој стар индиски производ е клучот за убава кожа. Пробајте го и уверете се во неговите полезни својства. Се препорачува да се прават компреси со сусамово масло за уморна и сува кожа. Натопете неколку гази во загреано масло на телесна температура, поставете ги на лицето, вратот и деколтето и оставете да делува 30 мин.