Кому му се потребни мажите?

Сперма создадена во лабараторија за прв пат. Јапонските истражувачи успеале да создадат сперматозоиди во лабараторија, за прв пат, објави Nature. Доколку ова откритие кое е истражувано на глувците, успее да се транферира и кај луѓето тоа би можело да се употреби за третман за неплодните мажи. Научниците успеале да ја создадат спермата преку ткивото на тестисите на глувците и успешно произвеле неколку бебиња глувци со неа. Ткивото успеало да создаде бебиња дури откако било замрзнато, а тоа укажува и дека младите момчиња и мажи доколку неможат да произведат семена течност, можат да го замрзнат своето ткиво за понатамошна употреба, доколку бидат подложени на хемотерапија или други третмани кои можат да им предизвикаат неплодоност. Извештајот од ова истражување е доста битен, бидејќи тој претставува исполнување на многу цели  на репродуктивните биолози во текот на многу години поминати во истражување.