Лиза Минели и Ени Ленокс се спасиле од пожарот

Пожарот кој настанал во хотелот  Park Lane Hilton во Лондон, довел до евакуација на 1.500 гости, меѓу кои биле и Лиза Минели и Ени Ленокс. Пожарот избувнал неколку часа, откако во него било одржано доделувањето на Silver Clef Awards, а Лиза и Ени биле меѓу гостите. Околу 40 пожарникари се упатиле веднаш на местотот на настанот и се обидувале да го изгаснат огнот.

Се верува дека пожарот започнал во кујната во подрумот од хотелот. Изолацијата помеѓу подрумот и четвртиот кат била оштетена , Се вели во соопштението на пожарникарската служба на Лондон. Пожарот не предизвикал повреди, а гостите можеле да се вратат во хотелот околу 3 часот по полноќ.