Лучијано Павароти

Лучијано Павароти , роден на 12 октомври 1935 година, во Модена, беше италијански оперски пејач. Се смета за еден од најзначајните тенори на 20-от век. Павароти исто така бил и познат по своите хуманитарни дела. Добитник е на медалите Висока комисија на Обединетите Нации за избеглиците. Тој потекнува од музичка фамилија.Пред да почне да се занимава со музика, бил педагог и сакал да стане професор. Цели 2 години работел на Scuola delle Magistrale. Во 1956 одлучил да стане пејач и почнал да оди на часови по пеење кај Арига Поле во Модена, а подоцна кај Етор Кампољанија во Мантова. Тој победил на меѓународниот музички натпревар. Негов прв јавен настап надвор од Италија бил во Белград-Србија. Потоа го повикуваат разни италијански,холандски, и други оперски куќи (Виена, Цирих). Во 1965 работел во Сад и Австралија со Џоан Сатерленд. Партнери на Лучијано, освен Џоан Сатерленд му биле и Хозе Карерас и Пласидо Доминго, кои формирале пеачки трио (три тенори). Павароти на 21 мај 2005 година одржал концерт во Белград-Србија. На 26 јули бил опериран поради рак на панкреасот. Во средината на август 2007 година повеке од две недели поминал во болница во неговиот роден град за испитување и лечење. Од болницата е пуштен на 25 август. На 5 септември неговото здравје се влошило, така што му откажале бубрезите. Лучијано Павароти умре на 6 септември 2007 година рано наутро на 72 годишна возраст.