Еден млад татко од американската држава Тенеси, осуден е на 27 години затвор, поради тоа што го убил својот син, бидејќи му пречел во играњето видео игри.
Кит Џонстон, кој станал татко на 19 години, минатата недела го признал делото за убиството на својот 11 месечен син, Вилијам, кое го извршил минатата година во октомври.
Џонстон изјавил дека го нервирало плачот на детето кој доаѓал од лулката каде било детето, додека тој изграл видео игри.
Според обвинителството, Џонстон силно го стегнал детето и почнал да го тресе, бебето добило крварење на мозокот и по една недела починало.