Лути фармери пуштиле змии во канцеларијата на даночната управа! :)

Индиски фармери кои им здосадило подмитувањето на даночните службеници, им испразниле три торби полни со змии во канцелариите на даночната управа во едно место во северна Индија.

Околу четириесет змии од различен вид и големина, вклучувајќи и смртоноси кобри, предизвикале хистерија и паника во канцелариите во градот Басти, 300 километри југоисточно од Лукануа.

Смиите почнале да се качуваат и шетаат наоколу и така настанал целосен хаос. Стотици луѓе избегале, а некои похрабри останале и со стапови ги бркале змиите.

Никој не бил повреден, ниту пак каснат од змиите, а полицијата и шумарите успеале да ги фатат сите змии.

Двајцата фармери кои ги пуштиле змииите тврделе дека даночните службеници им барале мито, а тоа предизвикало револт кај нив. Полицијата потврдила дека еден од фармерите бил познат како тренер на змии.