Мажите сè почесто бараат задебелување и зголемување на пенисот

Зголемување на обемот и должината на пенисот е операција на која сè почесто се одлучува машкиот пол

Според некои податоци, најчесто се зголемуваат гради, се затегнува кожата на лицето, се корегираат носот и очните капаци, но од неодамна, барањата за зголемување на пенисот и вагинопластиката се сè почести.

Меѓутоа, со оглед на тоа дека зголемувањето на пенисот го прави да изгледа поголем само во мирна положба, а за време на ерекцијата ја има истата должина, пациентите го менуваат мислењето и затоа само ја задебелуваат “гордоста“. Некои од нив се задоволни, но има и такви кои целата процедура ја повторуваат после шест месеци.

Експертите напоменуваат дека после интервенцијата, пациентите не треба да се грижат за функционирањето на машкоста, бидејќи и после корекцијата е сè во ред. Единствен проблем после операцијата е тегот од 100 грама кој мораат да го носат три недели, со цел да се избегне враќањето на органот во претходната состојба.