Милан ги лови Фабрегас и Аквилани

Потпретседателот на Милан, Адријано Галијани, потврдил дека Милан бара квалитетен играч за врска кој игра на левата страна.

Капитенот на Арсенал, Цеск Фабрегас изби на прво место на листата желби на “росоњерите”, пренесува “Тутоспорт”.

Ќе биде тешко да го ангажираат 35 милиони евра вредниот Каталонец, бидејќи за неговите услуги се заинтересирани Барселона, Интер, Манчестер Јунајтед и Реал Мадрид.

Галијани вечерва ќе биде во Лондон на финалето од Лигата на Шампионите.

Се поизвесно е дека Јувентус нема да го обнови договорот со Аквилани, кој е на позајмица од Ливерпул, а бидејќи веќе го доведоа Пирло и се близу до ангажирање на Инлер, изгледа дека црно белите веќе го формираа својот среден ред.