Кога мобилниот телефон го чуваме на топло место, како на пример во џеб или кога го држиме на уво, станува идеално место за размножување на бактерии. Американскиот програм ABC 4, неодамна спроведе лабораториски експеримент за да се утврди кои видови на бактерии се наоѓаат во мобилните телефони. Резултатите беа драматични – во сите телефони има многу бактерии, а некои од нив може да предизвикаат сериозна болест. Во голем број, од телефоните била пронајдена бактерија која обично ја има во тоалетите. Штетните бактерии во мобилните телефони може да предизвикаат инфекции на кожата, настинки, кашлање и дигестивни проблеми. Решението е да се мијат рацете одкако ќе го оставите мобилниот. А понекогаш неопходно е мобилниот да го исчистите со памукче потопено во алкохол.