Шефот на италијанската влада Силвио Берлускони нема да присуствува на двете рочишта кои се закажани за денес, едното за користење на сексуални услуги од малолетничка, а другото за корупција.
Неговото присуство е откажано затоа што тој денес требал да се сретне со шефот на државата Џорџо Наполитано во Рим, најавиле неговите адвокати.
На првото рочиште требаше да му се суди затоа што користел сексуални услуги од малолетничка, и затоа што се обидел да ја искористи својата функција кога од полицијата побарал да ослободат девојка од затвор заради кражба.
На другото рочиште пак требаше да му се суди заради подмитување на сведоци.
Тој е оптужен дека на својот некогашен адвокат британецот Дејвид Милс му дал 600.000 долари како лажно би сведочел во негова корист за судењето на неговите постапки од 90-те.
Освен овие против Берлускони се води уште една постапка а тоа е за затајување на данок на имот.