Жените би требало секој ден да испијат по една чашка алкохол, бидејќи тоа им ги зголемува шансите да бидат поздрави на старост.
Едно американско истражување кое опфатило 14.000 жени, покажало дека жените кои умерено конзумираат алкохол, не само што живеат подолго и поздраво, туку и имаат помали шанси да заболат од рак или дијабетес во споредба со оние кои конзумираат прекумерено или воопшто не пијат алкохол.
Под чашка се подразбира од 5 до 15 грама било каков алкохол – било да е жесток или само пиво или вино.
Научниците на Харвард за јавно здравје препорачуваат алкохолот да се пие константно во текот на неделата и на тој начин жените да си го сочуваат здравјето на стари години.
Истражувањата покажуваат и дека алкохолот го смалува нивото на холестерол, воспаленијата и другите штетни процеси во телото.