Во светот на врските постојат неколку не пишани правила кои треба да ги почитувате, освен ако не сакате вашиот живот да стане уште покомплициран.
Не дозволувајте вашиот партнер да ве слика додека сте голи. Тие слики може да завршат за многу лоши цели. Сепак не се знае колку ќе бидете заедно, и на каков начин ќе ја завршите врската.
Никогаш немојте да имате секс со поранешниот партнер. По долгата врска тешко е да останете пријатели и при тоа да бидете навистина тоа. На тој начин ќе го одолговлечите крајот и прифаќањето на фактот дека повеќе не сте заедно.
Не запоставувајте ги пријателките заради партнерот. Ова е една од најчестите грешки кои ги прават девојките кога ќе почнат нова врска. Тогаш забораваат на своите долгогодишни пријателки, а во моментот на првата кавга веднаш се присетуваат на нив. Не дозволувајте да останете без другарки заради момчето, во вистинската врска би требало да имате и пријатели покрај себе.