Најмалиот коњ на светот се вика Thumbelina или преведено на македонски Палчица. Thumbelina е минијатурно пони, меѓутоа таа е родена како џуџе пони, што дополнително ги намалило шансите за нејзин раст. Верувале или не, Thumbelina е висока само 44,5 сантиметри.
Thumbelina е родена во мај 2001 година во фармата на Пол и Кеј Гуслинг, кои одгледуваат минијатурни коњи. Таа му припаѓа на родот Chestnut Mare и сеуште живее со своите сопственици на фармата Goose Creek во Мисури, САД.
Thumbelina тежи само 26 килограми, а во просек коњите од нејзиниот вид достигнуваат тежина помеѓу 80 и 105 килограми. Само за споредба, во просек нормалните коњи тежат околу 500 килограми.
Во 2006 година Гинисовата книга на рекорди на Thumbelina и ја додели титулата најмал коњ на светот. Со оваа титула порасна и нејзината популарност, па нејзините сопственици дури и креираа интернет страница за ова мало, но прекрасно коњче.