Најнеобичните плажи во светот

Секој од нас мечтае да отиде на одмор во некое рајско катче по светот…Знаете ли дека природата создала уникатни плажи, чиј што песок е далеку поразличен од традиционалниот жолт песок?

Да го земеме за пример еден од Хавајските острови, кој е познат благодарение на темноцрвената боја на плажата. На јужниот брег на островот Мауи се наоѓа изгаснатиот вулкан Кауки и имено тој е виновникот за овој феномен…

Хавајските острови можат да се пофалат со плажи не само во црвена боја туку и зелени плажи. Papakolea Beach ја добива ваквата боја благодарение на кристалите од вулканските карпи .

А за да ја видите најцрната плажа во светот треба да посетите друг Хавајски остров – Big Island. Почвата на плажата е смеса од базалт и лава.

Сега да се преместиме во Австралија и на раскошната снежно бела плажа Hyams Beach. Брегот е покриен со најбелиот песок во светот ( официално потврдено ), кој покрај тоа е и  толку ситен што го споредуваат со брашно…

И можеби највпечатлива од сите плажи е калифорниската Pfeiffer Beach, која со право може да се нарече најколоритната плажа во светот. Плажата содржи големо количество кристали од црвен гранит. Боите постојано се менуваат и песокот на плажата се прелива во неверојатни нијанси на розово и лилаво.