Вработените и пријателите на една мала продавница за рибарски сувенири S.S. Spitfire Mercantile, во селото Sandestin во Флорида се обидоа да направат уште еден светски рекорд. Овој пат, погодувате што…најголемата рибарска мамка во светот.
Ова село е најпознато по тоа што се смета за најсреќното рибарско место, поради квалитетот и разновидноста на рибната фауна. Па оттука потекнува и идејата да се направи и најголемата рибарска мамка во светот.
Дизајнот е изработен од страна на Дејвид Партриџ, локален рибар и бизнисмен.
Бидејќи станува збор за нова категорија, најголемата рибарска мамка во светот треба да биде 10 пати поголема од стандардната рибарска мамка. Но, рибарската мамка на Sandestin е неверојатни 24 пати поголема од стандардната.
Нејзината должина е 3,3 м, ширина 45,08 см, дебелина 37,14 см и тежи неверојатни 161,11 кг. Најголемата рибарска мамка на светот е изложена во малата продавница за сувенири S.S. Spitfire Mercantile, во најсреќното рибарско село Sandestin.