Се покажа дека напорното вежбање и секојдневното тренирање навистина се исплатат, особено за Боб Натоли од Њујорк, САД. Натоли успеа да влезе во Гинисовата книга на рекорди за „најмногу тежина подигната на тегови за еден час“.
Верувале или не, Натоли успеал да подигне неверојатни 18 016,69 килограми за еден час, иако неговата првична цел биле 9300 килограми. Тој морал да ги почитува сите правила на дигање тегови, вклучувајќи го држењето на рацете, положбата на нозете итн…
Настанот имал и хуманитарен карактер, а биле собрани 5000 долари за донација на болница за деца. Натоли во моментот е најсилен човек на светот, бидејќи минатата година го собори рекордот и за дигање тегови со една рака. Тој не планира да престане, туку сака да набрзо повторно да се обиде да сруши уште некој рекорд.
