Во Кина неодамна е забележан нов тренд, наместо кучиња, љубителите на животни почнаа по парковите како домашни миленичиња да ги изнесуваат птиците.
Сопствениците на птици одат во парковите, ги закачуваат кафезите кои најчесто се направени од бамбус, на најниските гранки на дрвата и ги набљудуваат своите миленици како среќно скокаат. Некои седат под дрвата, играат карти или шах со своите пријатели, додека нивните птици цвркорат. Оваа глетка може да се види не само во Пекинг, туку и во други кинески градови. Шетањето птици било многу популарно за време на кинеската династија Кинг, која владеела од 1644 до 1911 година, а таа стара традиција сега повторно оживеала.