Кон крајот на минатата година финската компанија “Нокиа“(Nokia) поднесе тужба против “Епл“(Apple), во која се наведува дека таа користи пет нејзини патенти. Тужбата беше поднесена во Меѓународната комисија за трговија во Америка, а во неа се навело дека патентите кои Епл ги користи на своите уреди (iPhone, iPad и iPod Touch), регистрирани се од страна на Нокиа, дури 10 години пред појавата на iPhone. Но комисијата ја одбила ова обвинение, а судијата оценил дека обвинувањата не се утврдени. Деталите за објаснувањето на оваа одлука не се објавени, а коментарите од Нокиа се дека ќе чекаат да се запознаат со деталите, па да превземат нареден чекор. Сепак, пресудата не е конечна, а случајот треба да го прегледа шест члена комисија која може да донесе друга одлука.