Нов силен земјотрес ја потресе Фукушима

Точно еден месец од јапонската трагедија, земјата денеска е погодена од земјотрес со јачина од 7,1 степени според Рихтеровата скала, објави американската геолошка служба, пренесува Нетпрес.

Суште нема информации за причинети штети и за евентуално настрадани лица. Според информација на телевизиската станица Си-Ен-Ен било објавено и предупредување од цунами бран висок 2 метри, а во опасност од него биле Мијаги, Фукушима, Чиба и Ибараки префектурите. Јапонската телевизија НХК јавува дека епицентарот на потресот бил во префектурата Фукушима, на околу 164 километри североисточно од Токио, чии жители го почуствувале потресот. Поради безбедносни причини привремено се евакуирани сите работници во нуклеарката “Фукушима 1“.

Извор: Нетпрес