Обама: За падот на кредитниот рејтинг криви се препукувањата во конгресот.

За намалување на кредитниот рејтинг на САД одговорни се политичките препукувања во Вашингтон, изјавил американскиот претседател Барак Обама, и рекол дека ќе понуди дополнителни решенија за намалување на дефицитот.
Обама изјавил дека се надева дека политичкиот хаос во конгресот ќе помине, и дека веќе нема време за политички игри. Тој за решението на кризата не гледа само во намалување на трошоците, туку дека ќе мора да се зголемат даноците за најбогатите луѓе во Америка.
Обама исто така изјавил дека САД, без оглед на што некоја рејтинг-агенција им го намалила рејтингот, тие секогаш имале и ќе имаат кредитен рејтинг ААА.

Да потсетиме. Агенцијата за кредитен рејтинг Стандард и Пурс во петокот го намали кредитниот рејтинг на САД за еден степен, од највисок можен ААА, сега САД има АА +.