Перез: Мурињо е најдобар во светот
Пред околу 5 илјади собрани навивачи на Реал од цела Шпанија, Флорентино Перез направи резиме на сезоната 2010/2011 и даде план за новата сезона. Флорентино Перез на оваа свеченост ги поздрави сите присутни со надеж дека Мурињо ќе ги оправда неговите очекувања. “Имаме на располагање спектакуларна и многу млада екипа со најдобар тренер на светот. Оваа година направивме темел за успех кој во иднина ќе го направиме. Го освоивме Кралскиот Куп и убеден сум дека овој трофеј е само почеток на новата ера на Реал Мадрид” изјави првиот човек на ‘кралскиот’ клуб. Оваа свеченост се одржува секоја година, а за следната Флорентино посакува да ги види собрано 10 илјади, а поголемиот дел од нив следната година ќе сакаат да видат уште некој трофеј во рацете на мадридските фудбалери.