Познат наследникот на Бин Ладен

Новиот лидер на Ал Каеда, кој ќе го наследи мртвиот Осама Бин Ладен е поранешен член на специјална единица на египетската војска.

Изборот на Еѓипќанецот Саиф ал Адел би можел да ги налути членовите на Ал Каеда од Саудиска Арабија и Јемен.

Како што дознава “Си-Ен-Ен“, ал Адел станал привремен шеф на терористичката мрежа веднаш по смртта на Бин Ладен.

Телевизијата “Си-Ен-Ен“ тврди дека информацијата за новиот лидер на Ал Каеда ја добила од Номан Бенотман кој своевремено ја водел либиската исламистичка организација блиска на Ал Каеда.

“Си-Ен-Ен“ истакнува дека Бенотман ја напуштил екстремистичката идеологија и предупредил дека изборот на новиот водач би можел да предизвика лутина кај некои членови на Ал Каеда.

Извор: Нетпрес